3個特攻美少年… J J小評 (含內容)

lkljason

講真港譯名真係唔掂，反而台灣譯名就貼切得多叫”偉大的隱藏者” ，套戲大約兩個鐘頭鬆d，主要分兩部份，上半部你可以當成喜劇咁睇，而下半部就急轉直下變成一套動作既特務片，真係一雞兩味大件夾抵食。

講翻套戲，因為金秀賢呢期爆紅，所以令到佢主演過既電影吸引力都大增，而之前亦都睇過佢主演既盜賊門 (正確黎講用客串會適合d，因為戲份同發揮實在小) ，而呢套3個特攻相信會滿足晒所有金秀賢既Fans，因為今次由頭擔正到尾，由佢初初扮演既低能仔，到後期既型特務，我個人覺得佢演得都算不俗，相比其他兩個拍檔，可能角色所限，所以略為遜色。

總結：整體故事不錯，但我略嫌上半部金秀賢扮低能仔做間諜過長，同埋為達喜劇效果低B得太盡，個人覺得無必要，而後半部動作場面處理得唔錯，不過硬係覺得金秀賢同另外條o靚仔特務d眼神有點基味。而結尾黎個Sad Ending我個人就唔係太鍾意，不過諗深一層可能要咁既Ending至收到科，唔通又黎個TBB劇大團圓BBQ Yeah手勢黎結尾咩！

vinsckan

現在韓國電影太公式化,水準仍未及得上歐美及日本, 因此,近幾年係香港睇到的韓國片成績好差,原因題材及拍攝形式太過平平無奇

lkljason

我反而覺得韓片偶有佳作，當然呢套就唔屬於啦，其實西片都有青黃不接既現像，新一輩既演員或導演真係要加把勁！