K2HD同SACD既分別係？

verdy

小弟一直以黎都係靠聽320K既mp3為主。
後來聽人地講wav，DSD同flac file會好聲好多，所以就轉左聽呢類格式既file
直至幾個月前接觸到呢到，爬得文多之後就開好反樸歸真地聽番CD
但接觸後開好發覺CD原來有幾幾種；例如有普通既CD, K2HD,SACD,BluSpec...
但…我唔明其實SACD同K2HD最大既分別係乜野？
如果我部CD 機唔support SACD既話，其實係唔係等如我根本聽唔出SACD既真正威力呢？
如果真係咁的話，會唔會我只係買K2HD或者Bluray Spec CD會較為適合呢？

希望各位ching可以指點一下細佬

多謝，多謝！

903881997

個人認為，如果有舊版CD, 就買返舊版CD便好了！
原汁原味，無添加！

verdy

Gorgeous 發表於 2014-5-17 00:04
CD, 除左HDCD外, 所有 xxCD 都只係用 16/44.1 既格式, 包括你所講既K2CD. 個人意見, xxCD只係商業上gimmick ...

多謝指教。

但如果器材本身不對應SACD的話，是否播放出黎既聲音同普通CD根本無分別呢？

其實…我點解會問呢個問題係因為前幾日想去買部cd機，發覺想聽SACD的話要買個對應到SACD既CD盤至可以聽到SACD既file；如果唔對應的話，該張SACD只會當成普通CD咁去播放。如果係咁的話，我點解需要買SACD呢？

對唔住，我太多問題了

modernaudio

HQCD2、HQCD、AQCD、AMCD、Blu-Spec CD、K2HD、XRCD、LPCD、CD......都是CD，音訊格式為PCM　44.1kHz - 16bit;
SACD分2種:單層和雙層；單層SACD只能夠在SACD機播放，音訊格式為DSD 2.8224MegaHz - 1bit;　雙層SACD顧名思義存有CD層及SACD層，普通CD機可播放CD層，SACD機則可播放任何一層，理論上，SACD層儲存的DSD最好聲! 日本方面比較推荐單層SACD，因好聲過雙層SACD; 而歐洲及美國就喜歡兼容度高的雙層SACD!

講反CD種類，K2HD、XRCD、LPCD標榜母帶重新的技術處理及嚴謹的壓碟工序！
Blu-Spec CD則標榜以Blu-ray 技術制作 CD 壓制模具！
但這些技術壓出來的CD都是一般物料的CD!

HQCD2、HQCD、AQCD、AMCD標榜的是：以更先進的物料代替過往幾十年一直沿用的物料。
AMCD：以純銀代替鋁質作為反射度膜。
AQCD：以銀合金代替鋁質作為反射度膜，比較耐熱防鏽；膠片以特種紫色為濾光體，使紅激光更為聚焦。
HQCD：以銀合金代替鋁質作為反射度膜，比較耐熱防鏽；膠片使用的聚碳酸酯材質，具有更高透明度, 精密度更好特性。
HQCD2：為AQCD及HQCD的結合體。

在CD種類來說，母帶重新的技術處理 + 採用更先進物料以嚴謹壓制的CD 理論上是再上一層樓!

但其實，最重要是選擇自己喜愛的歌，以上的各個技術只是錦上添花！還有，唱片公司出版策略各行其是，有些只出版CD及K2HD, 有些只有HQCD, 有些則什麼技術都製作。若花多眼亂，最好多些來這裡，詢問下各ching意見!

jumpingjack

多謝師兄們，獲益良多

verdy

modernaudio 發表於 2014-5-17 00:52
HQCD2、HQCD、AQCD、AMCD、Blu-Spec CD、K2HD、XRCD、LPCD、CD......都是CD，音訊格式為PCM　44.1kHz - 16b ...

多謝ching既詳盡解釋，使小弟獲益良多！

albertng

睇完，更加明瞭。

modernaudio

還有玻璃CD, 它也是CD，音訊格式為PCM　44.1kHz - 16bit; 但主要物料是玻璃 和 完全不一樣的壓碟工藝!

玻璃CD簡介:

水晶玻璃CD(Crystal Disc)是應用了2P(Photo Polymer)樹脂於專業的光學玻璃上，鍍上24K純金反射膜，構成精確無誤的訊號層，高光學透光性減除了雙重拆射之失真，大大增強了信號的精準度，從而有效地降低誤碼率，同時玻璃基片不易碎裂的磨損和變形的特性，亦實現了不受環境變化的最完美音樂載體。

3大特性:
高光學透光特性
使用光學性能的玻璃基片，擁有透明度高之特性，消除雙重折射，入射及反射的誤差減少，失真率相應降低。

聲音高度還原
高精度感光液體樹脂經紫外光固化處理，形成了完美
的音訊坑洞，造就了“靚聲”的基礎。

完美恆久
玻璃基片不易破裂和刮痕，不受環境濕度和溫度而變化。