《珠峰浩劫•Everest》簡評 (少量劇透)

bellyjerry

alleelarry 發表於 2015-9-19 17:05
多謝 bellyjerry 既首之分享，往後看罷電影有所感覺的話，就請來這裡和大家分享一下吧！  ...

多謝alleelarry兄,小弟會繼續努力 請密切留意小弟第二撃:我的少女時代感想啦

jason1969

alleelarry 發表於 2015-9-19 17:06
積信兄，入場既感覺，「港版」真的未必比到你

ok

ctmk

alleelarry 發表於 2015-9-19 17:06
積信兄，入場既感覺，「港版」真的未必比到你

絕對認同, 小弟明天睇IMAX版

horace_tsang

昨晚一家大細睇咗，起初諗住同vertical limit會好相似，但真係有少少失望，劇情好平舖直敘，無乜高潮位，初段太長，最慘係積佳蘭賀同Keira無發揮機會，相信只為賣埠。爬山天氣惡劣預咗，但點解死咁多個，重要一係有病，一係年紀太老，跟本唔應該上山。

到目前為止，都係cliffhanger 同 vertical limit正好多。
(Post76 Android 手機版送出)

bellyjerry

冇錯呀師兄,Cliffhanger同Vertical Limit算係動作劇情片,呢套Everest直情可以當係真人真事紀錄片睇呀

粗人敵卡

為咗追夢，值唔值得咁做
真係兩面睇

ltho3k

有戲值得看IMAX 版嗎?

SonSon

星期日睇完, 預咗真人真事會比較平淡, 點知...................真係好似睇緊小說咁, 事前會諗..............會有大自然奇景睇吓卦, 有..........咪好似睇緊高清翡翠台紀錄片咁, 事前會諗..............會有角色衝突因而影響故事發展卦, 冇................或者我唔覺卦, 事前會諗..............會有D視覺效果特技場面睇卦, 有............但睇開荷里活大片就覺得係小兒料, 事前會諗..............會有驚險剌激場面睇卦, 原來係冇既, 最後會諗..............起碼都星星睇, 只睇演技都應值回票價卦, 點知..................冇一個個性突出加上個個裝一模一樣咁濟, 又帶晒面罩, 一係就D雪舖滿塊臉, 邊個打邊個都未必分得出, 點睇演技呢?? 最後係戲名.............完全睇唔到浩劫一詞可同戲名掛勾.

可能係............始終要對死者有敬意, 加上又真有其人, 導演唔想係劇情上太過煽情刻意, 或重點放係特技災難場面等, 但一心想睇類似終極天險等既災難片種就會相對地失望, 由散場時大家鴉雀無聲已略知一二.
(Post76 Android 手機版送出)

粗人敵卡

SonSon 發表於 2015-9-29 11:29
星期日睇完, 預咗真人真事會比較平淡, 點知...................真係好似睇緊小說咁, 事前會諗............. ...

覺得大部分外國戲
都有譯名譯得唔太符合套戲內容