點解香港唱片不斷炒冷飯?

tleonard

自從廿一世紀出現咗寬頻上網嘅廉價服務之後，基本上日常生活嘅消費模式同埋娛樂平台都比廣東歌全盛時期嘅『無腦』年代完全唔同款。

今時今日嘅人如果冇咗部手機加埋一部平板電腦／筆電／Windows PC／Mac etc. 的話會好難生存，搵食／娛樂／通訊／資訊平台都非常需要流動裝置／個人電腦咁方便嘅工具。

想當年嘅四仔多數係『埋黎睇，埋黎揀，一百蚊 N 隻呀老細』，而家就上網求其打幾隻字就有得睇。

以前就話靜靜雞去叫 KFC，家陣嘅高登仔上 IG 搵 PTGF 就搞掂。

就算睇書同埋報章雜誌都唔一定要買實體嘢，一般要求唔高嘅普羅大眾根本就唔再需要靠一部 BD 機睇戲或者 CD／SACD 機聽歌，每個月俾 $96 就有得串流 CD 質素嘅 44.1kHz／16bit 無損音樂，當然中文歌曲嘅選擇就比較有限啦。

（MOOV 就更加平到四十至五十蚊一個月，大學生就九十蚊三個月，真係好抵玩。）

真係捨得俾錢買碟嘅人唔多唔少都只係剩低一班玩開 Head-Fi 同埋 Hi-Fi 嘅發燒友，假如賣 CD／SACD 嘅生意佬唔集中火力去催谷發燒碟嘅話仲會唔會有其他人幫襯呢？

AV仔

tleonard 發表於 2017-4-13 14:42
自從廿一世紀出現咗寬頻上網嘅廉價服務之後，基本上日常生活嘅消費模式同埋娛樂平台都比廣東歌全盛時期嘅『 ...

我未幫襯過比錢聽歌, 但係比錢聽串流音樂, 始終隻歌係唔係你架?
仲個個月比幾十元喎, 少數怕長計, 一年唔成千元都六七百,
都買到幾隻正碟永久保存啦,
上網聽, 邊有日日有新歌? 咪又係差唔多日日聽番果堆歌!
都係是旦剔一些歌來嘈住隻耳, 唔係叫聽囉.

tleonard

AV仔 發表於 2017-4-13 20:14
我未幫襯過比錢聽砍, 但係比錢聽串流音樂, 始終隻歌係唔係你架?
仲個個月比幾十元喎, 少數怕長計, 一年 ...

就算買咗 CD／SACD 之後隻歌都唔係我嘅，佢仍然屬於隻歌嘅創作人／台前幕後工作人員／版權持有人／唱片公司，我只係用錢去換取一個權利去聽其中一個副本咁解。

---

魚與熊掌，不可兼得。要方便同埋慳位嘅話可以俾月費聽歌，鍾意嘅就繼續俾錢聽，唔鍾意就過咗一個月／三個月／一年之後取消走人。

屋企大把地方而又喜歡實體 CD／SACD 的話就悉隨尊便，想要聽乜嘢都無問題，到咗儲得太多碟嘅時候都有機會將佢哋轉做無損格式之後玩埋 CAS。如果鍾意嘅歌有出 singles 或者 EP 都無乜所謂，但係焗住要買 mini albums 或者 full albums 的話就比較肉赤。

當然幾樣嘢可以夾埋一齊玩，咁就可以互補長短喇。

仲有兩種選擇之間攞一個平衡嘅方法就係上網俾錢買無損格式嘅歌都得，download 咗之後可以自己備份，就算個網站摺埋都無所謂。

---

當我一年俾五舊水，十年就五 K，廿年就一皮。咁嘅價錢有得用廿年時間聽到某個數目／種類嘅無損格式音樂都唔係咁大開支，平均每日都係一個二毫半多少少，offline mode 亦都唔會話完全無得聽，當然 MOOV 或者 TIDAL 執笠就無得講啦，但係如果無備份 CD／SACD 嘅話都有機會因為天災人禍嘅各種原因而 bye bye。

全新嘅 CD 當佢 full albums 平均 $80 一隻，廿年買 125 隻都係一皮，當然唔包括二手買賣嘅上落，而且無咁多地方儲碟嘅話仲可以 rip 完之後就放得。

（用同軸／光纖錄串流咁衰仔就應該無人會咁做啩？）

---

總之就各花入各眼，我真係好鐘意聽嘅歌都已經買咗碟或者上網買咗無損格式，亦都無咁多時間去發掘新嘢聽，個人長大咗之後多咗其他嘢做，就算咁好彩有時間都會聽 podcasts 或者 audiobooks 之類學嘢，所以我都無乜興趣俾錢玩串流。

koalaau

tleonard 發表於 2017-4-13 21:17
就算買咗 CD／SACD 之後隻歌都唔係我嘅，佢仍然屬於隻歌嘅創作人／台前幕後工作人員／版權持有人／唱片公 ...

做多d買一送一啦，真係可以刺激市道架！^o^

p76marco

koalaau 發表於 2017-4-14 03:07
做多d買一送一啦，真係可以刺激市道架！^o^

我而家買歌流程係：
1. 電台電視或唱片舖聽到中意既歌
2. 在Apple Music聽一輪
3. 想保留就上網睇下有無HD file賣
4. 無HD file賣就再考慮一輪，睇下之後會唔會出SACD或BD，先到唱片舖買CD
同以前直接買CD比，舖頭肯定少左生意，但我聽既歌種類及數量，比以前多好多倍。大家視野闊左，local唱片就當然無以前咁好景。

hksarac

早夷的sacd你會買來發燒嗎??

現時的歌，旋律不好，歌詞更爛，不知噏乜，有時仲一拍內有二三個字詞，我買唔落手

hksarac

mankit9998 發表於 2017-4-13 05:26
調番轉諗叫唱片公司唔番出，叫佢唔糧出都唔掂，其實現今新嘅錄音聽file都已經好靚同聽cd唔大分別，因為數 ...

你用耳機同喇叭聽是兩回事，差很遠。

mankit9998

hksarac 發表於 2017-4-14 11:56
你用耳機同喇叭聽是兩回事，差很遠。

我無用耳機聽歌的，請教師兄有何分別？