《Godzilla II : King of Monsters》哥斯拉[不含劇透]影評

jc2ssych

語氣很重的一句：部戲超級難睇！

小時候暑假，三色台每次重播《哥斯拉大戰三頭龍》都興奮不已。廿年前，哥斯拉衝出亞洲登陸荷里活，變成一條 Jurassic Park style 的蜥蝪大鬧棒球場已經令擁躉大叫救命。

2014年終於見返肥嘟嘟既哥斯拉，並聽聞加入 King Kong 打造 franchise 令萬眾期待。2017 金剛收起「King」的封號，在地球另一端 Skull Island 韜光養晦，影迷亦全數收貨。

幾年後更開大個頭，叫《King of Monsters》，拍咗兩億美金，原來都無幾多個鏡頭見到哥斯拉。腦海閃過一個疑問：「係咪同一眾動作演員一樣( Liam Neeson、史泰龍...)，哥斯拉年紀大咗，所有動作都要搵替身上陣，要多影背面，側面；或多啲close up, 但只有1/4面；或者剪片師要剪碎啲, 不斷做 cross cutting, 玩埋蒙太奇。一旦 wide shot, long shot (多過兩秒) 就穿崩架喇！」

全片132 分鐘, 值得睇既, trailer 已經剪晒出來。大銀幕對呢幾分鐘的呈現, 是否比手提電話睇靚? 我會答 negative。很多鏡頭都係矇查查, either 係擺鏡奇怪, 無故手搖, 或剪碎晒, 或清晰度不合格。

唔係賴叻話「不含劇透」, 而係想搵啲完整少少既部份來討論下都相當困難。

整部戲10分我只俾3分。原本有5分, 但因為我係犧牲唔睇 NBA Finals 直播而去睇早場, 嬲到我爆炸, 扣兩分。

等大家睇完再繼續討論。

zairen

死火。两亿都弄不出一条哥斯拉。以前看咸蛋超人打哥斯拉都是看的清清楚楚的。

jc2ssych

後記：

Pk....早知在家睇多倫多速龍好過。

davidtommy

可能要留到同老King隻抽先有全身睇

alleelarry

錯重點既講左先，師兄咁幸福既，平日早上可以去睇早場，又或者可以係屋企睇 NBA 咁好既

下午買左飛，而家先睇到你呢一篇……，不過又咁講，細細個睇特撮大，不管哥斯拉還是咸旦超人，真係出幾分鐘就收工

小瑟

哈哈哈哈, 睇完你個影評, 堅係好想笑呢~XDDDD

jc2ssych

alleelarry 發表於 2019-5-31 21:05
錯重點既講左先，師兄咁幸福既，平日早上可以去睇早場，又或者可以係屋企睇 NBA 咁好既

下午買左 ...

返 shift 嘛。

我放凌晨三點嗰日，唔通又開個post問大家半夜三點鐘可以响屋企訓覺咁幸福咩。

jc2ssych

alleelarry 發表於 2019-5-31 21:05
錯重點既講左先，師兄咁幸福既，平日早上可以去睇早場，又或者可以係屋企睇 NBA 咁好既

下午買左 ...

Larry 兄亦講中咗另一個重點。

舊時拍特攝，所有鏡頭都諗得好仔細。亦由於成本有限，（膠）哥斯拉出場時間有限，所以另外幾廿分鐘人類既戲份便很重要了。如果呢集拍咗100萬美金，我唔會投訴。限米煮限飯。

King of the Monsters 百幾分鐘內，幾廿人鏡頭前堅係唔知做緊乜。仲有，所有巨獸場口都係夜景，無論巨獸本身、野外環境，還是城市細節一律欠奉。美指、CG team唔係雞得咁交關呀嘛！

再者，根據閣下以上講法，又如何解釋到2014年 Godzilla 既成功呢？

avsuperman

我31号晚睇左MX4D版，今次拍巨獸大戰唔似C兄講得咁差，可能要交待4隻巨獸，但哥斯拉出場唔算少，而且又有經典叫声、秘技、仲有主题曲，尾场大戰有少少驚喜攻擊，我收貨。画貭比14首集至少唔会黑到睇唔到，卻欠了前作舖排怪獸出场上带点陰暗不寒的氣氛。剧情令我想起復4，但反駮位太多，以怪獸片來看已經拍出水準，如果三頭龍有日本出品的超強金色肯定更加搶眼，而沒有陽光感的打鬥，太可惜。好想知明年哥斯拉打金剛边个会赢，本片有彩蛋。

avsuperman

好鍾意三頭龍