【子彈橫飛位源流】今日你睇咗咩!? (最後更新: 01-05-24)

ATC7

DC宣布全新計畫

https://tw.news.yahoo.com/%E6%89%93%E6%8E%89%E9%87%8D%E7%B7%B4%EF%BC%81dc%E5%AE%A3%E5%B8%83%E5%85%A8%E6%96%B0%E8%A8%88%E7%95%AB%E3%80%8C10%E9%83%A8%E9%9B%BB%E5%BD%B1%E5%92%8C%E5%BD%B1%E9%9B%86%E3%80%8D-%E9%A9%9A%E8%A6%8B2%E4%BD%8D%E8%9D%99%E8%9D%A0%E4%BF%A0-185502463.html

alleelarry

我睇左《絕地迫降》

Gerard Butler 的電影人生，就是困難重重，下下都要打餐死！電影唔算好驚喜，但肯定唔係垃圾片，音效仲好唔錯，拍得住佢之前既《賊鬥》，到出藍光一定會要睇多次！

rach

alleelarry 發表於 2023-2-10 21:46
我睇左《絕地迫降》

Gerard Butler 的電影人生，就是困難重重，下下都要打餐死！電影唔算好驚喜，但肯定唔 ...

Gerard Butler幫套戲攞唔少分, 如果比其他2打6做好難有相同效果😉

alleelarry

rach 發表於 2023-2-11 02:58
Gerard Butler幫套戲攞唔少分, 如果比其他2打6做好難有相同效果😉

一來佢有氣牆，二來搵佢黎當主角，大家都預左打戲唔會少得去邊！

alleelarry

我等緊睇《想見你》……

今年既情人節剛好係星期二，又咁橋係大多數每星期睇電影正場場次最平既一天，昨晚碰碰運氣，成功買到心儀位置前一行，還算不錯，50元兼無手續費。



香港電影禮品兌換:

「A3電影海報」:
凡於戲院票房出示《想見你》2月9-15日正場場次之正價戲票兩張，可免費獲贈「A3電影海報」一張。禮品數量有限，送完即止。希望仲有得兌換啦！

alleelarry

我重溫了《殺神 John Wick》三部曲

所謂何事，明顯就是為了明晚看第四集，有說十仔好忙，有說係系列中最好睇既一集，未睇既的唔知，只肯定係系列中最長既一集！

alleelarry

2023年04月07日，我睇左：《超級瑪利歐兄弟大電影》

今日假期又係星期五，AE白金信用卡未夠期前，百老匯買一送一，早場也可以使用，劇票只要 60元，不過手續費都比左 20元；劇院選了圓方 6號院，印象中香港最早一家具備 Dolby Atmos 設備既，當日睇既係《悍戰太平洋》，劇院已經易手，但當年既「震撼」感就失去了，開場前無左 Sony 4K 投影既片段，電影開始後都感到不算好清，最大問題既係個幕正中位置有兩條好長既「痕」，十分影響視覺！

個人不算得是超級瑪利歐粉，細細個都叫做打個下機咁，當中人物關係都理解既，故事結構好簡單，睇完彩蛋先醒起爭左D咩，就係……，其實佢有出個場既，但太太話睇佢唔到。

看英文版其中一個目的係，以為會少D小朋友，點知包圍我地既有好多，可能係地理問題，聽佢地講野時，都夾雜唔少英文，十分欣賞佢地，只係開場多講幾句，開場到彩蛋完全無大叫，又或者不停咁問大人問題，讚！

完場後坐車回家時，咁橋見到架巴士，就影張相留下念！

alleelarry

2023年04月07日，我睇左：《格殺福順》(Netflix)

之前部 AppleTV 4K 2代目，間唔中就 lag 一 lag，問題多數係播放 Dolby Vision 同埋 Dolby Atmos；早前係臉書學曉了一招，同時按下返回鍵及音量"-"鍵，大約 6秒就會「還原為原廠設定」，先前試過好幾次係選單按「還原為原廠設定」沒有效果，反而用新學的方法，這個星期還未遇上問題，如是者想找一些未看過的動作電影，估計數據量多的電影，或許可以試真一點，只可惜這一套有點像《殺神 John Wick》套路既，講野時間比動作場面多好多，好好睇一定唔係，爛片又一定唔係，唔太識比咩評價，最有趣既係最尾彩蛋，既可完結，也可以為延伸作準備！

alleelarry

2023年04月25日，我睇左：《命案》

係全港戲院賣 30元一張飛既時候，我已經用緊 50元買兩張，即係人均 25元一張飛，入場睇呢套原來拍左好耐，仲要係《IT狗》之前既作品，據了解跟未推出既電視劇《三命》有關，所以未明白得哂成套戲既中心思想係咩！看罷好肯定既係戲中每一位演員都好投入，林家棟就真係幾「神探」下既，入場本來就係諗住睇 Lokman，果然係好到位！

alleelarry

2023年05月02日，我睇左：《關於我和鬼變成家人的那件事》

30元睇戲既週末，唯一可以買到既場次，一來太早，二來太太要上班，三來留到之後的星期二，買一送一人均依舊 25元。一套胡鬧既電影，題材聽起來不算吸引，再加上「老公」及「老婆」呢個設定，入場前只知道在港大賣既《毒舌大狀》時，人家就大賣緊呢套。故事本身有好多元素，但加起來又頗為完整，另我想起先前一套《逃出立法院》……

當日買票既時候，平日坐開的位置給人家買了，只好坐後一行，但呢位觀眾在播放時未有現身……