鮑比特 Chris Babida牽頭合組4te!《City Jazz》

Ken704

除左聽歌，有睇開戲既師兄，鮑比特尼個名字我諗冇咩人唔識! 曾擔任編曲、作曲、唱片製作人、音樂總監及指揮等等，如果提起電影配樂，更加不可不提電影《新不了情》，當中更擔任依套電影配樂工作，一首由萬芳主唱《新不了情》主題曲 心若倦了 淚也乾了.....諗番起個Melody都想喊 。 仲有一首令我印象深刻，首選1982年陳百強既《疾風》，曲、編都係由佢一手包辦。岩岩上個星期，仲獲得香港電台同無綫電視聯合舉辦第一屆香港金曲頒獎典禮既「香港金曲榮譽大獎」，買六合彩都冇咁橋，當晚竟然表演番以Jazz形式演奏出《新不了情》同《疾風》，更不可思議既係竟然係我近依2年我比較喜歡既歌手泳兒同林奕匡分別唱出，正到暈左!!

講番隻碟，Jazz樂隊4te!成員包括keyboard player鮑比特、Guitarist關嘉傑、Bass Guitarist曾德康同鼓手黃子瑜。除左Chris Babida，結他手關家傑亦曾經係台灣第31屆金曲獎入圍演奏類最佳專輯獎、演奏類最佳專輯製作人獎及演奏類最佳作曲人獎，而低音結他手曾德康都擔任過 Connie Talbot 演唱會音樂總監，另外鼓手黃子瑜亦係前八三夭成員，現任新晉樂隊R.O.O.T.

曲目:
01 Tantalizing (じれったい) : 安全地帯
02 Hana (花～すべての人の心に花を～) : 喜納昌吉
03 Don't Go (行かないで) : 玉置浩二
04 Sayonara (さよならの向こう側) : 山口百恵
05 Fall In Love (恋に落ちて) : 小林明子
06 Men & Women (酒と泪と男と女) 河島英五
07 Sunset Melody （夕焼けの歌）: 近藤真彦
08 Plastic Love (プラスティック・ラブ) : 竹内まりや
09 Red Wine Heart (ワインレッドの心) : 安全地帯
10 Sky (遥かなる夢に ～Far away～) : ビヨンド

依隻碟好多歌其實大家一定有聽過，幾鐘意完全唔同feel第10首既'Sky'《海闊天空》，透過Jazz重新編曲有一種跳脫既感覺 ， 第三首作品'Don’t Go'《李香蘭》同 'Fall In Love'《誰令你心痴》我都覺得正 《花心》聽到前同後段有唔同風格，感覺幾特別，當然仲有《風繼續吹》 《千千闕歌》 《雖令你心痴》 《讓我歡喜讓我憂》... 尼隻碟幾岩閉目養神時享受，精神上有一種飲緊紅酒感覺


留意今次香港高級視聽展8月6日下午6:00係Hall 3既Evolution攤位有4te!《City Jazz》簽名會，想見偶像記得去支持

245141525

點解要搞海闊天空⋯⋯