（會後討論）Denon AVC 同樂會 第三回 “留言分享即自動參加”

小瑟

今晚非常多謝各位出席的朋友，雖然overrun咗半小時，但係大家都好似唔捨得走咁。希望今晚大家可以各有得著啦！

另外威廉sir已經將佢私伙的 Audyssey microphone交到我手，借玩一星期，名額二個，要求係係度分享今晚感受同你點解咁想玩呢枝咪。最好就當然玩完開Post分享返個前後分別啦！呢個活動為期一個星期。心2023年6月28日晚截止啦！

小瑟

希望今晚各位幸運兒可以踴躍留言啦！！

Foreverwest

好開心能參加AVC同樂會，回想疫情期間就係經常睇前兩次的同樂會影片去微調當時部8500，真係獲益良多；今次POST 76再攪就算係未升級到今代機都即刻報名學嘢啦！
今日多謝大王同76仝人安排，威廉sir悉心嘅講解新一代機裡面嘅setting，幾段試片再次睇到A1H的能力，最終要玩好部機都真係返到屋企每個細節都要耐心調校，不過有威廉sir嘅講解都真係學到嘢！

fishfish1005

首先多謝76攪今次Denon avc同好會，見好多師兄問既問題都已經比前幾年既問題深入，似乎大家都已經對denon了解不少。今次同好會大家似乎對audyssey multeq-x同dirac更加有興趣,希望下次同好會威廉sir可以再深入講解有關既資訊，讓各天龍FANS玩得更深入更好聲。

Ricky1703

首先好開心能夠參加今次活動，多謝Post 76 嘅小瑟同所有同事安排，由猛人威廉Sir講解秘方，真係袋左好多錢入袋😆，我對上個部Denon 已經係2308，之後轉玩了兩代安橋而無機會參加第一及第二次同樂會，今年初決定等A1H項頂，今次終於可以參加活動，在現場亦都得到好多師兄嘅心得，因為剛剛𨍭回Denon要慢慢探索部機設定，希望快啲再有第四、第五次同樂會，可以跟威廉Sir同各位師兄學嘢👍

ChunWaiLoo@G

第一次參加, 感覺各位師兄好pro, 之前William Sir 提議我買這mic, 原本真的可以玩到咁多嘢. 如果小瑟可以借比我們試, 我估我部AVC A110 可以發揮得更好, 另外多謝William Sir 解答DTS X pro 問題, 因為我上網找了很多資料, 都唔知7.1.4已經可以有這效果. Thanks!

小小Pat

好多謝post76舉辦呢次同學會活動，同埋得到威廉sir謝指導，感覺上好似上咗一堂影音大學嘅lecturer嘅課堂！
當然二十位同學有唔同嘅需要我會當呢一堂係一個中級班，希望嚟緊有啲更深入嘅課題例如部分同學有興趣嘅Multi Eq X同埋diract live嘅專題講座！
希望呢個只係個開始，將來有更多機會碰到同學仔碰面！
亦預祝嚟緊威廉sir日本之旅愉快與成功，今次將同學仔嘅意見向廠方同埋工程師反映！

GaRyShum@G

非常之多謝post76舉辦呢次同學會活動，今次真係學到唔少野，包括係我最想知嘅Audyssey setting ，原來係可以用兩張CD個距離去度，另外亦都體會到A1H嘅微調心得，Audyssey同Dirac兩者之間嘅優點，上完今次分享會之後真係獲益良多，再次多謝post76同威廉sir

szetojason

小弟今次第一次參加分享會,多得大王同威廉sir,能夠於setting上有所改善,令我套入門小玩具都得到正面提升,真係獲益不少,感激萬分!

影音小編輯