Duelund 油線： 油乃惹火之物。。抹 油Mundorf 銅箔 ，油絲電線

johnnykut

見alman兄整咁多線,,有冇遇過灌完沙之後會差左既呢????

Alman

johnnykut 發表於 2016-9-22 16:52
見alman兄整咁多線,,有冇遇過灌完沙之後會差左既呢????

有啊！

發覺沙的份量多少和用什麼沙會影響音質。  以前用過30 awg灌沙RCA線， 聲音偏薄兼利到可以吉死人， 低音消失咁滯。所以今次所用的管口徑不大之，入沙填滿空間， 迫實線身做些damping已夠。如果大大碌， 相信聲音會好難頂。

相反， 灌沙電線則愈多沙愈重愈好， 當然物極必反，有其極限， 真要調較先至。

Alman

灌沙兄弟幫內訌

最新整的沙中沙線真係動聽。。。點知，昨晚搞了一搞， 嚇了一驚： 就係amp將接一隊兵的BGT改接灌沙BGT後， 背景的音樂更清晰  小弟向來先接BGT， 然後接地盒， 現在把CD player 的接法調轉， 發覺聲音更活潑D：

今日一於把三對灌沙兄弟來個比試：

Alman

試音CD：



點可以唔用這隻聖桑骷顱之舞？結果是：

灌沙Neotech UPOCC 銀 + VH OCC 銅 + Silver Bullet頭敗陣： 高音較暗， 音場有些壓縮有點模糊。

灌沙Neotech 金銀線+ OCC 6N 銅 + KEI Absolute Harmony 頭： 聲音較響亮及活潑， 音場大兼動態大D， 如坐係前排聽演奏， 好埋身！

沙中線（灌沙Duelund 26 awg油棉線 +灌沙 UPOCC silver + KEI 銅鍍銀頭）： 音場居以上兩者之中， 音色細緻清晰， 樂器演奏層次分明， 但沒有Neotech 金銀線咁有氣勢。小弟覺得這對線最平衡。

DIY線最好玩之處是互相配搭， 左試右試。  Neotech UPOCC silver那對的表現令小弟有點預期之外。不解的是點解Neotech 金銀線咁大動態？ 沙中線樣樣則好似恰到好處。  似乎兩層灌沙is the way to go.

三隻膠頭之中， 居然最平那對配對得宜而跑出！但也不應小看Absolute Harmony 那對， 更具音色及韻味。 Silver Bullet old 頭線敗走， 可能同其geometry 有關，  遲D先改造下佢

Alman

愈灌愈有味

手到拿來，今次 把一對現成的 Neotech 方芯銅／棉漆線／Onix 頭入沙， 一嚐灌沙銅線的味！這條線的 geometry 是正負分別以一條 方芯銅加一條棉漆線而成。







煲了兩晚後試音， 枯顱之舞唔在講， 加多隻Oldies 播Green Fields, Changing Partners 等： 點可以係咁？？

枯顱之舞音樂非常凹凸，開頭的小提琴群奏加入好有空間感； Oldies 主唱和唱的兩把聲音直頭分隔得好開清楚, 伴奏音樂好清晰。。。。。

唔通灌沙銅線更有所發揮？  更多沙線會陸續出現也

Alman

Jumpers 的威力？

這對新整的 Neotech UPOCC 入沙線加埋入沙Duelund Helix電源線真係唔講得笑，重播有一番新體會， 陳年老幾可以去到咁嘅境界，一句， 值！

點知。。。。又係XX痕之過， 把用開的bi wire 走高的純銀喇叭線抽走， 只剩Neotech 雜錦UPOCC 喇叭線接低， 然後用double jumpers ： 分別為 Duelund 0.5及 Mundorf 金銀所製接高， 再繼續駁埋 Mundorf silver/oil RC net work：





聲音是另一境界！！！一直心理上覺得bi wire 是利多於弊， 但改用這兩對jumpers 後， 反而一天光晒似的， 聲音更活， 更立體， 連D樂器所出的音都變更有質感。一言蔽之： 還原力好勁 小弟真係無乜頭緒， 可能Duelund 加 Mundorf 之功？

其實小弟已有打算在灌沙線基礎再有不同搞作， 得以上junpers之助， 更能體驗箇中之妙：



好快開工。。。。

Alman

沙+ 晶石銅管線





















雖然是晚上十點， 點都要試試： 點知右聲道無聲， 一度之下， 原來正極甩焊， 明天先至搞。。。。

Alman

沙石線試音

這對晶石線以Neotech 金銀線灌沙 繞以 20 awg OCC6N  加銅箔做floatng ground 加 Absolute Harmony 頭 而成， 分析及音色已夠晒照， 但好似整體總是有D鬆浮， 音像唔夠剛整好另一對 Neotech 全銅線灌沙咁solid。 今次加沙加石純是賊佬試沙煲，用銅管皆因其本身能提供shielding， 用半截於線身中間因往往中間位置較弱， 加D嘢去support下（全是小弟想當然， 不能作準 ） 看看會否有所改善。

結果是行得通！但凡加減一D物質， 條線的表現應受影響。那浮的感覺消失， 有返實在感。  它再與那對Neotech純銅灌沙比較， 已難分軒輊。等小弟慢慢搞下其餘油線先得

Alman

銅箔線出山

小弟聽銅管晶石沙線聽得好過癮， 期間反覆換了幾條數碼線， 竟被 舊款 DH Lab D 750 的效果嚇了一跳， 因它能夠更播出音樂的空間和層次感。突然想起不如把以前整落的不同RCA線逐對試聽， 再檢視實力。。。。

銅箔RCA： 線材取自銅箔線圈剪成的幼身線， 正負線夾住貼門框邊的foam條，紮以teflon tape，兩線平行相隔約 1／4 吋， 駁1877 RCA頭。 以前已經介紹過， 效果非凡：





Holly， 小弟又被嚇了一跳： 直頭同 銅管線的表現不相伯仲！只是銅管線音色較華麗D， 而銅箔RCA的泛音豐滿得來更聽多些變化。 播聖桑骷顱之舞， 開始不久的小提琴出場， 那份質感直頭令人O嘴，高低音和動態一一奉上。 銅管線有的超凡分析力， 銅箔線也有。咁情況表示， 4N 銅箔RCA線 唔使灌沙已經拍得住搞咗咁多嘢的銅管線？而價錢仲平好多。。。

唔得， 攞埋對銅箔喇叭線出嚟至得！ 以前所聽的印象是音色偏暗，高頻拘謹D但低頻豐實。 今次由它取代 Neotech 雜錦UOPOCC喇叭線：

   



兩對線的音色差別： Neotech 那對華麗開放，音場傾前。 銅箔線音場傾後。Neotech 出到的音樂細節銅箔也出到， 但銅箔線的人聲就更啱聽。銅箔線的製作費平 Neotech的好多， 正是平靚正

得閒整埋銅箔 jumper， 睇下會唔會做低Duelund 同 Mundorf的jumpers。。。。

Alman

銅箔jumpers

聽對銅箔RCA咁有效果， 梗係要試埋銅箔jumpers.  參考Cardas的原裝jumpers， 好厚身下， 表示銅箔jumpers都要厚身（大awg D）



四塊 16 awg 銅箔疊埋一齊：




好似做手工咁。。。






取代 Duelund 銀箔 jumpers：只用銅箔


空間感好似大咗， 但D 聲有D薄 （唔夠力）， 於是插返 Mundorf 金銀jumper並用， 銅箔加 Mundorf jumpers 的效果是聲變為豐滿，D尾音更有edges， 高音亦出得靚。

一路油落去 。。。改得好！

現在用緊 VH 電容的 RC Filter, 其音色屬於自然有肉。  之前用開的 Mundorf silver oil， 音色明亮， 但所用的純銀引線線始終質素差D， 如將之改為 Duelund 0.1 油絲， 可能。。。

開工：









灌埋沙








試音：整體的音場深大， 動態增加， 微絲細眼盡出， 為 油絲線之特色。



第三首夜深沉： D鼓皮震動聲好鬼正， 原来咁豐富。。。

第五首鴨子拌嘴： 由遠至近埋身， 正。。。

陽關三疊： 古箏的弦尾音係咁震下震下， 以前較弱的聲例如手撥絃聲更清晰和更有距離感。。。

估唔到換了幾吋嘅引線已有驚喜， 唔知把VH cap 換埋 Duelund （現在用 Neotech UPOCC銅）， 再用油絲Duelund 整埋jumper。。。會訂幾呎返來驗證驗證。



以上試音結果基於用 銅箔RCA所得。 把它改為 Duelund 油絲RCA， 又有另番效果， 就是那份氣氛和臨場感， 今次唔死都唔得