AK 120 VS AK 120 II

model先決

WallerHomie 發表於 2016-12-2 18:36
要搵一隻好聲過215既圈根本唔難；我4年前剛入耳機坑，第一隻玩既IEM就係SE215SPE。
恕我直言，以今天既標 ...

真係各花入各眼la咁就，乜耳機都有人鐘意有人唔鐘意既，如果215spe其實係太多bass, 普通版就岩岩好

我幾年前入坑係用425, 近年再用返215，846都有人唔鐘意，恕我直言，我覺得215係好過好多2000左右既鐵，玩鐵係無感情比較冷冰冰，高音同分析係做得好好，但我聽左好耐都覺得唔係我杯茶，反而215 平圈既bass同隔音都做得好好，聲音暖和有感情，聽落係有感動既感覺，如果你覺得215係垃圾唔緊要，我就好鐘意就是了

我當日試mojo真係推到亂晒，能量感太強，好粗聲底，如果想用mojo插iphone我夠膽話唔夾，呢個係我個人親身試出黎既聽感，一定要全世界覺得好聲你明明唔鐘意都要話好嗎？

ozrayyau

model先決 發表於 2016-12-2 23:15
真係各花入各眼la咁就，乜耳機都有人鐘意有人唔鐘意既，如果215spe其實係太多bass, 普通版就岩岩好

我幾 ...

師兄, 冇人話 Iphone 夾 Mojo 一定好, 動圈同動鐵聲底亦都可以好易分別, 亦有兩方追捧, 不過攞架 Civic Type R 話 KO 啲超跑先係笑話囉。
當然架 Civic 都係一架好車, 如果你未試過其他更好的話.......

model先決

ozrayyau 發表於 2016-12-2 23:39
師兄, 冇人話 Iphone 夾 Mojo 一定好, 動圈同動鐵聲底亦都可以好易分別, 亦有兩方追捧, 不過攞架 Civic T ...

唔緊要la, 最緊要自己鐘意者興趣既野，但係我都係試晒380同roxanne呢類鐵先既，唔係得你先聽過好野既其實，而家大把地方乜都任試既年代，點會無試過晒丫
不過215好聽過2000蚊既425同ie80, 同埋westone 都唔係我杯茶，真係唔好聽，係我覺得lor, 各有各玩者

咁我唔會話215好過535同846既。

如果mojo唔夾iphone我覺得係好可惜lor,最多人就係想部電話好聲d先買dac, 如果唔得，不如直接買ak70 la,差唔多價錢既話

HunterH

model先決 發表於 2016-12-2 23:52
唔緊要la, 最緊要自己鐘意者興趣既野，但係我都係試晒380同roxanne呢類鐵先既，唔係得你先聽過好野既其實 ...

但喺師兄攞215黎試Mojo既聲底對Mojo唔喺幾fair lor,215本身個圈就喺偏,試出黎既聲其實作唔到準

WallerHomie

model先決 發表於 2016-12-2 23:15
真係各花入各眼la咁就，乜耳機都有人鐘意有人唔鐘意既，如果215spe其實係太多bass, 普通版就岩岩好

我幾 ...

你Like唔Like動鐵係你既個人喜好，但邊個話圈同鐵既聲一定有既定標準？
鐵唔一定冷聲冇感情、圈唔一定暖聲低分析力、圈鐵唔一定高音甜低音勁。
係盲測既情況低下，今時今日既耳機技術足以之你分唔出邊隻係圈邊隻係鐵。
你對圈同鐵既觀感，會否仍然建基於舊時代產物所遺下既聲音印象？

先唔理等級，試機最重要就緊係揀夠中性、冇乜味精既耳機去試，音色受訊源主宰既耳機（e.g. studio monitor）就最好不過。
如果你連第一步都唔做，仲講咩評價，還可信嗎？

model先決

WallerHomie 發表於 2016-12-3 00:25
你Like唔Like動鐵係你既個人喜好，但邊個話圈同鐵既聲一定有既定標準？
鐵唔一定冷聲冇感情、圈唔一定暖 ...

師兄, 我而家唔係要做report 比廠或者出雜誌評測喎, 我係黎買我想要既野, 去令我本身既野好d, 唔洗咁辛苦呀馬, 你頭先至話圈鐵無一定標準, 點解忽然又話拎studio monitor 去試? 咁應該用HD800s 定用AKG 812 試好呢?

仲有, 要試野梗係用自己最熟識既器材或者歌去試, 去到又換晒, 咁你點知到底係邊樣好d呢? 鬼唔知拎部380 copper + mojo + laylaII 一定好過用iphone + mojo +215 咩, 咁試完係靚聲呀, 你係咪買晒佢先?

我做評價係寫晒我用咩黎試喎, 至少無點人, 即係你用同一個組合, 應該會出到同樣既效果, 呢個組合唔係發燒級, 但至少係我既真實既聽感體驗, 亦有好多人用iphone 播歌想靚聲d, 呢點都係一部手提DAC 最大既功能, 如果你已經有380 copper + Amp, 你就唔洗買部DAC la. 然後你就話用咩xx 器材試梗唔掂la, 應該用studio monitor 試, ok, 咁試完你係咪買埋個monitor 先?


同埋鐵既聲係冷d, 分析力高d, 靈敏度高d, 易推d, 但係難做底音, 係物理定律黎, 圈一定係bass 多d, 可以一個單元做晒全頻, 聲音通常比較順暢自然, 唔需要分左頻之後要夾返高底音唔同速度, 呢樣係物理定律黎, 現代耳機改變既只係將好多個鐵放埋一齊, 補足返唔同既頻率, 846 就特別d用條加長通道黎補底音, 但係鐵仍然無法完全取代圈, 否則圈一早被消失, 圈就可以用耳機外型同物料黎減底共震, 偕震等等黎做得好d, 缺點係分析力較底, 高音仍較鐵少

現代耳機當然一代比一代好, 但係未致於可以互相取代物理特性, 至少係同一價錢上仍然無可能, 好多單完既動鐵賣咁貴唔代表一定靚聲, 只係因為動鐵每粒本身就好貴, 加多幾粒就收多你幾千, 做埋分頻同夾聲又收多你幾千, 動圈又唔洗做分頻技術又成熟而且動圈成本又平先賣得咁平

玩音響好多時係比多好多倍錢, 得到既只係少改善, 往往都不成正比, 相信好多坑左好耐既發燒友會明白.

比d圈鐵原理你了解下參考下
https://read01.com/aBGLnj.html

http://tech.fanpiece.com/headfi/ ... 9C%88-c1148824.html


鐵唔一定冷聲冇感情、圈唔一定暖聲低分析力、圈鐵唔一定高音甜低音勁。呢樣你明明係搵野黎講la, 將d野倒轉晒

model先決

HunterH 發表於 2016-12-2 23:59
但喺師兄攞215黎試Mojo既聲底對Mojo唔喺幾fair lor,215本身個圈就喺偏,試出黎既聲其實作唔到準  ...

如果連咁都推唔得好過我用電話直出, 咁仲買?

我期望係有改善, 但係而家有反效果喎

我知mojo 可能係好多人用其他方法試過效果都好好, 睇過d review 都一面倒話mojo 接近hugo但係平一半, 但係如果前題係首先要有一部靚Dap 先, 如果有左靚Dap, 咁我當初就根本唔會考慮要加部耳擴

ok, 如果你話前題要有個靚耳機先, 咁我覺得215 就係我心水選擇, 唔好理價錢, 我只睇質素同口味, 試過好多貴鐵後, 我都係鐘意圈多d

HunterH

model先決 發表於 2016-12-3 02:06
如果連咁都推唔得好過我用電話直出, 咁仲買?

我期望係有改善, 但係而家有反效果喎 ...

其實高質素既player會發揮出一個低質素耳機既缺點出黎唔出奇,就好似一個高質耳機同樣會反映出低質player既缺點,何況Mojo的確喺唔太夾厚聲類既低階動圈,因為Mojo特點喺厚底聲但喺清,攞Mojo推不但過厚,更暴露曬215 d缺點,你攞iPhone推反而幼聲夾d
所以你唔買因為你覺得反效果喺正常,用215買翻ak d野都夾,但因此而將Mojo定義為美國粗聲就唔喺幾妥,因為215正正喺美國粗聲,Mojo只不過反映翻215應有既質素..

WallerHomie

model先決 發表於 2016-12-3 01:37
師兄, 我而家唔係要做report 比廠或者出雜誌評測喎, 我係黎買我想要既野, 去令我本身既野好d, 唔洗咁辛苦 ...

我明白動鐵動圈先的先天物理限制，這是老生常談，網上文章可一大抄。
但看來你還未弄清楚問題在哪裹。

我講白些少；
SE215並不是一隻中性的耳機，本身音染重；不是良好的reference。
Mojo本身是portable的器材，當然拿portable的耳機去試。
如果你手上有的是一支低音砲、女毒塞及監聽塞，你會去選擇用哪一支去試？
還是全部都試一次，再逐個比較？

要找自己熟的的耳機去試；對，不能認同更多。
不過，要是我每天都戴著手機附送的耳機，拿去試機，試出來準嗎？
不過我的確很熟悉這耳機呢。

不要單靠一套組合去誤判一台機器的價值。
個人玩過的耳塞大多由幾百至幾千不等，用過的耳塞大概也有20隻，當中圈、鐵、混合都玩過；手提Dac/amp也玩過6-7部，兩對耳塞插在同一套機上能出兩種完全不同的聲音不是閒事，儘管兩對耳機均為動圈、採用相同單元技術、同一牌子、價位相近、只是不同型號。


淨係覺得自己滿足/岩自己聽而不去了解其他人既想法，請問做咩仲要上forum參與討論？

再坦白D咁講：
既然你本身都清楚理解到動圈係分析力唔夠加低音較強，你插佢落部機試，然後話部機粗聲粗氣，你自己覺得合唔合理？
依家唔係同你爭論動圈既存在價值，如果你搵幾隻耳機試，幾隻都係出咁既聲，咁我唔質疑你喇。

model先決

WallerHomie 發表於 2016-12-3 02:37
我明白動鐵動圈先的先天物理限制，這是老生常談，網上文章可一大抄。
但看來你還未弄清楚問題在哪裹。

我覺得大家都好似因為215太平而配不起mojo, 如果mojo 推不好215, 反而是215的問題....


定係shure 出廠時本來諗住215 應該係咁衰聲, 而家mojo 將佢原原本本還原返?


相反, 如果我用隻layla II 去試既話, 你地一定個個都話係呀係呀之類


同埋215 並不是手機附送的耳機, 而是一隻很不錯的動圈, 比起很多鐡都來得有感情和順耳耐聽


SE215並不是一隻中性的耳機，本身音染重；不是良好的reference。
<- 呢個問題係沒有音染又真係太無味道了吧, 我想信鐘意studio monitor 既人真係唔多, 如果係專業評測, 當然搵一隻中性耳機最好(其實那有中性耳機? 定還是旗艦耳機就是中性?), 但係我唔係想咁


既然你本身都清楚理解到動圈係分析力唔夠加低音較強，你插佢落部機試，然後話部機粗聲粗氣，你自己覺得合唔合理？
<- 咁講又太過了, 咁咪即係所有動圈都唔應該用mojo 推? mojo 唔設計比動圈? 但係大部份overear 都係動圈喎!我覺得應該係產品配合我, 我係比錢果個, 無理由要我就返佢, 佢插落去得唔到我想要既效果, 自然就唔會考慮, 全世界講到佢上天都係假, mojo 推215 的確係粗聲粗氣, 我唔覺得呢樣係shure 調聲既時候原本預期既效果


依家唔係同你爭論動圈既存在價值，如果你搵幾隻耳機試，幾隻都係出咁既聲，咁我唔質疑你喇。
<-呢樣有機會我會再去試下