ZX707第一印象(感想)

chief424

大家好, 首先講下自已第一部Walkman A864玩到而家...都差不多10年  (千幾蚊玩到5000幾蚊=_=)
想當年ZX100好好玩, D聲好正, 如是者一路坑坑到507...之後幾年過去聽到話新出707
跟住去左專門店同灣仔試聽, 唔知係咪部機原裝的問題, 覺得"唔係好得"
造工: 輕過我部M11 plus, 都叫靚仔
開機, 讀取都叫快, 不過感覺上同M11冇咩分別
但係...點解我要開post講唔係好得呢?因為

佢冇2.5插, 人地其他牌子唔少都有晒3種插, 點解Sony要別樹一格?

同埋我用佢俾的M7耳機試, 707冇錯係暖聲, 有AKM的影子, 但係唔知係歌定係部機的問題(都相信專門店或者鋪頭唔會專登去set味精), 隻隻歌好冇空間同層次感, D歌拿埋一舊的感覺又番黎

and,  唔知係咪佢"省電"而犧牲左 DAP果種"大力", 隻隻歌都好似冇咩力水咁...聽得"唔過癮"

最後都係冇買到部機   

(當然可能小弟木耳, 或者專門店, 店鋪空間大 果隻耳機隔音唔夠勁呢D因素etc...但係佢冇令我好似以前咁一聽完即碌卡 )

個人覺得呢部機唔係渣野, 係OK既, 但係呢個價錢係over pay, 同埋如果賣呢個價錢, 老實講我會選Fiio或者其他國產牌子 ,起碼人地有晒3個插頭, 同埋D調音俾到我想要既野我 (力度, 分析力, 層次感, 空間感, 同埋最重要的 "耐聽" )

今集707我覺得Sony有D老貓燒鬚



(PS...原來真係有10年... )

KinFaiLeun@G

渣到咁，搵日去聽下先。

littlefat69

但我見好多人出呢部機喎？
但我又奇怪點解唔畀多少少買黑磚二代呢？

chief424

KinFaiLeun@G 發表於 2023-2-12 01:40
渣到咁，搵日去聽下先。

"可能店鋪冇加味精, 地方大漏音, 都可能試聽的耳機(我用店鋪M7同埋自已帶果對試) 耳膠唔得"
更有可能我聽果D歌唔岩部機 (部機優化流行歌, 但我聽開動漫的)

同我部M11 P比我個人覺得"唔夠力", D聲"拿埋一舊"

個人覺得好大機會係新機個firmware"雞", Sony毛病黎, 可能update後會好D

但係咁就死得, 第一印象俾到我都唔得...叫人點買得落手

NM0101

chief424 發表於 2023-2-12 17:11
"可能店鋪冇加味精, 地方大漏音, 都可能試聽的耳機(我用店鋪M7同埋自已帶果對試) 耳膠唔得"
更有可能我聽 ...

依家聽ACG嘅要求基本就同大爆棚差唔多, 大動態大音場是必需。ZX707要夾啱耳機先好聽, 推力唔夠聲底又厚, 用過幾對入耳試, 聽感上都係唔夠用A&K/Fiio或者ibasso來得爽快

小瑟

聽歌真係好個人, 我一聽707 + M7就即刻點哂頭, 之前用另一D耳機聽既感覺始終都冇 SONY自家咁好配, 可能我聽POP野多, 人聲同溫暖感係我首要, 爆彭位同背景的確係唔似黑2或金2咁好, 不過呢中階機來講, 我覺得收貨!!!

chief424

小瑟 發表於 2023-2-23 21:04
聽歌真係好個人, 我一聽707 + M7就即刻點哂頭, 之前用另一D耳機聽既感覺始終都冇 SONY自家咁好配, 可能我聽 ...

呢個價位已經唔係中階...可以中高
賣差不多7雞, 同價位好多好野玩

chief424

NM0101 發表於 2023-2-16 11:42
依家聽ACG嘅要求基本就同大爆棚差唔多, 大動態大音場是必需。ZX707要夾啱耳機先好聽, 推力唔夠聲底又厚,  ...

(可能日後更新會好D...)

不過個人覺得呢部機冇左以前Sony 1+1的魔力

NM0101

chief424 發表於 2023-2-28 21:30
(可能日後更新會好D...)

不過個人覺得呢部機冇左以前Sony 1+1的魔力

我自己都係聽日系, 以小弟用過嘅DAP和耳機計,暫時都未有一款係比較全面。就算係IE900, 用呢對聽LL真係夠晒空間感, 但一轉去埋身solo歌就感覺怪怪

chief424

NM0101 發表於 2023-3-1 11:37
我自己都係聽日系, 以小弟用過嘅DAP和耳機計,暫時都未有一款係比較全面。就算係IE900, 用呢對聽LL真係夠 ...

唔試下FIIO FDX? 我覺得OK
聲hi沙早10年前就好聽, IE80賣到好似得佢出耳機咁 (以前非利浦都好好聽...可惜...)
不過而家聲hi沙...見人見智, 我就覺得佢UE 2.0