加十仔聽歌,低音有少少跟唔上

nicknick

回復  nicknick


    nick 兄好值得人專重, 因為佢係肯嘗試, 肯研究嘅人. 當一個人偏離咗主流, 係會有好 ...
tomtomsuccess 發表於 2012-8-31 13:35

謝謝。
有突破框框的決心才會有突破性的進步。
像華特兄弟當年研究飛機俾人笑冇可能，係佢地不怕失敗同俾人笑最後才成功；
然而所有的創新要成功都離不開不斷的 失敗、決心、努力，過程是充滿汗水，沒有僥倖的；
而且傳統的智慧也不能忽視，它是根基，就如華特兄弟發明飛機，也必須靠賴他們從傳統得來非常堅實的物理學等等知識，這點也需要有志者留意。

「試定唔試」大家都講得好多了，我諗不如入番正題分享下經驗，用過的師兄面對了甚麼困難，又如何處理?

我現在外出工作寫唔到咁多，今晚回到家再同大家分享一齊研究下。

angllewave

回復 40# avlam

我明我明,
我開頭只用proac ta 玩都覺得好夠, 但加上十仔效果仲正! ,經高人指點, 換理隻8吋威力登十仔玩2.1後, 就唔開唔得....
proac ta算唔算好潛我唔知, 我覺得力度已經好好, 但講到低音的力道同最底下那一浸, 用十仔出係無得比架..

至於點調分頻點同幾大聲, 真係要自已再慢慢tune...

若師兄們有現成十仔的, 咪執條雞雞地既喇叭線試下囉....試到好玩既繼續玩, 接受唔到既又有銀糧既, 咪買對大座地囉~

tomtomsuccess

呢d咪識玩啦。 只要肯嘗試， 幸福就係你面前。

beerboy

回復  avlam

我明我明,
我開頭只用proac ta 玩都覺得好夠, 但加上十仔效果仲正! ,經高人指點, 換理隻8吋 ...
angllewave 發表於 2012-8-31 20:06

坐地你估唔洗用十？{:9_437:}

angllewave

坐地你估唔洗用十？
beerboy 發表於 2012-8-31 20:28

又未必既, 如果覺得低頻唔夠用sub仔推我覺得無問題, 不過感覺上坐地個單元size比較大, 易出到低音姐..

avlam

又未必既, 如果覺得低頻唔夠用sub仔推我覺得無問題, 不過感覺上坐地個單元size比較大, 易出到低 ...
angllewave 發表於 2012-8-31 20:38

你有冇睇返 Tom B 嘅 P.18 人地對嘢成幅擋土垟咁大都要搵阿仔幫拖呀！

terryc

又未必既, 如果覺得低頻唔夠用sub仔推我覺得無問題, 不過感覺上坐地個單元size比較大, 易出到低 ...
angllewave 發表於 2012-8-31 20:38

    我同意大單元係會易出到較鬆容低音，而「低頻量」係會比細單元多！但易唔易推得好對大喇叭，個低音單元control 得好唔好又係另一個topic 因小弟都推得對12吋唔好{:9_412:}

    在正常有傢俬的居住環境下，要出到令丐幫滿意的低頻，無十仔幫下手又真係幾難

avlam

回復  avlam

我明我明,
我開頭只用proac ta 玩都覺得好夠, 但加上十仔效果仲正! ,經高人指點, 換理隻8吋 ...
angllewave 發表於 2012-8-31 20:06

我嗰對夠雙6吋半啦！係嗰浸就係差嗰浸，試隻 liveband 你就明嫁啦！

terryc

你有冇睇返 Tom B 嘅 P.18 人地對嘢成幅擋土垟咁大都要搵阿仔幫拖呀！ ...
avlam 發表於 2012-8-31 22:50

    永遠都係毒王係Legend！ 一眼就了解JBL 4350 的特性~
   
   
    低域用：38cmコーン型（2231H）×2
    中低域用：30cmコーン型（2202H）
    中高域用：ホーン型（2440＋2311）
    高域用：ホーン型（2405）
    再生周波数帯域         30Hz～20kHz ±3dB

    唔好話30Hz，可能45Hz以下的音域，低音單元能輸出的「音波能量」已漸漸隨Hz下降而迅速減弱！唔係話佢出唔倒30Hz，只係在無廠方圖表參考下，你唔知佢在30Hz出左幾多能量only！所以要物主配上JL，補一補這段音域，追求接近完美的還原度

nicknick

分享一些個人使用subwoofer加入2聲道的意見。

首先要明白每個人對低頻的要求都不同，有些人覺得個低頻打心口越勁就係越好，有人要求個低頻好乾淨，有人要求低頻要靚到清楚出到每個低頻段的音符要有好豐富層次的，所以單單討論「好」定「唔好」係完全沒意義的，因為人人對「好」的定義都不同，所以要有前設，或者集中討論「facts」而不是「feel」。

第一種情況，如果要求只是低頻勁過冇加十仔時的表現，咁好簡單，只要將2聲道的訊號俾多一組去十仔，只需按自己喜好調大聲細聲便可，crossover都可以唔駛理因為反正大部份十仔的聲音頻段最高都只去到100至200Hz左右，再高的都冇聲出到，最緊要低音勁，聲音疊加仲勁D無謂攪crossover，這是較為極端的舉例，但其實我估計現時好多說加了十仔聽歌更有氣勢的師兄本身就係呢種方向而已。所以加左唔會有乜問題，夠晒勁，玩得高D的就調下十仔個crossover，try&error搵下邊個位比較聽落舒服就是了！
如果誠實答自己明白自己是這一種要求，恭喜你，成功率是很高的，快快駁埋個十仔來聽歌享受吧！

﹣﹣﹣﹣﹣﹣﹣﹣﹣﹣﹣﹣


如果你已經玩過上面的一款，開始聽到有D唔對路，覺得D聲有問題，即係你開始對這些低頻要求多了，咁就要視乎你的要求走那一個方向及要求到幾高再調校了。我無法對每一種喜好都講意見，下面我只能分享我自己要求下的方向，岩聽的可以繼續睇，唔岩聽的略過當我冇寫過便好。

我要求subwoofer加入2聲道的2路或本身已經3路的喇叭聲音要完全溶合，將2路的喇叭變成3路、3路的變4路，由高頻、中高頻、中頻、中低頻、低頻到超低頻都能順滑的連貫起來，否則聲音就會不知所謂，攪衰原本好好的聲音平衡度的話就仲衰過唔加！簡化來說將原本有高、中、低單元3路座地喇叭要加入超低頻段，邏輯上可以加一對十仔成為第4路，然而這樣的空降一對十仔會產生最少以下問題要處理：

1. 十仔的聲低與座地本身不同
2. 十仔的音質與座地本身不同
3. 十仔的量感、damping與推動座地的後級不協調
4. 十仔與座地的聲音頻段的crossover影響3頻的平衡
5. 十仔的擺位與座地的擺位互相影響3頻的平衡及聲音的定位

用番樓主開始時問的問題，覺得十仔出來的低音慢過主聲道，怎樣可能會慢了？除非2條訊號線傳送訊號時出現時差大到離普！其實不是十仔「慢」了，而是十仔與主聲道喇叭的聲低根本不同！
這問題原因就是大部份十仔都是為了遷就AV系統而設計的，由於一隻影碟能放的資料量好有限，一套影碟的「.1」channel只得甚他5條channel約10至50份之1的訊息量來記錄，嚴格來說是非常「低音質」的channel，冇乜幾多層次的，不過對電影來說冇所謂，所以十仔的成本及設計就最緊要整到份amp夠爆炸力，單元最緊要夠硬淨係咁活塞活動都無事，反正都只係woo woo聲出D一浸浸掃你褲腳便夠，可惜用黎聽歌就層次欠奉（我指classic啦，流行曲都係disco feel boom boom聲就夠，唔駛玩得咁發燒，玩上面我說的第一種情況就夠啦），想出音符？都幾冇符。所以亦唔好單單講個十仔可以落到幾多Hz，完全冇理會個音質。

十仔要AV出黎夠狠夠勁，通常都會用極大power output的D類amp（我的sunfire EQ10的class-D amp達2700 W），層次感不足影響音質，質素高的十仔damping夠勁令到收尾音快，聽歌會感覺短促冇餘韻，質素低的十仔damping唔掂D低頻就能放不能收，容易過量、唔乾淨同booming（有人刻意喜歡booming的，都係要求問題，可以變成好事）。無論喜歡與否，facts是這種amp的設計極難與推動一般喇叭的後級出來的聲協調。

打字打到手軟，寫住咁多先，有討論先至繼續。