聽歌討論 (應該會引起罵戰...所以報定案先XDDD)

yukiseto

嗯... 其實樓主的確是有心挑起罵戰的, 一篇文便將成個地區民族既一段文明遺產踩成垃圾, 怎會不引起罵戰? 所以我不回太多了, 只想分享一篇最近看到的報導"談港前途感鬱悶　石永泰指太多歪理妖孽", 因為我看完樓主的文的確立即便想起此篇報導

原文: http://news.mingpao.com/ins/inst ... 00001/1466653670861

節錄部份句子:
"他以《十年》奪得香港電影金像獎最佳電影引來諸多批評為例，指電影技術粗糙，但藝術評審是講感覺和主觀"
"但認為藝術評審是講感覺和主觀，在某個時空奪獎，是在那一剎扣動到評審的心弦，而不是科學地計分"
"音樂節很多小朋友表演，有D（小朋友）又混聲合唱、又高難度，有兩個好cute嘅小朋友做好cute嘅動作，好簡單，冇高深技巧，判出嚟cute嗰隊贏咗，有技巧嘅（小朋友）係咪就要鬧？"

chief424

sum_gor 發表於 2016-7-2 02:06
我開頭仲以為你指的抄歌係侵權果隻,原來你係指改編...咁你都要了解下過往邊D香港出既歌在外國被改編

留意 ...

咩係改編, 咩係抄襲, 呢兩個中文字你明唔明白?

改編係向前人致敬, 好似你畫漫畫, 人地畫A, 你畫B, 但有A的影子 (好似你鐘意米奇老鼠, 你就畫隻米奇老屎, 但係米奇老屎就有米奇老鼠的影子)

抄襲就係100%, 或者90%, 完全冇執過黎既

果D廣東歌, 執人地的歌黎唱, 只係改詞, (好聽D執下人地的演奏方法), 但係事實上都係離唔開人地隻歌的靈魂, 好似酒紅色的內臟; 歌名一樣, melody一樣, 只係歌詞唔同, 咁就叫改編?

長期活係一個"改編", 了無新意的國度下, 有咩值得可取? 我不明白?

不過睇晒文章之後, 只係覺得, 未食過好野, 向食過好野的人解釋食cheap野有其好處, 其實都係既, 便宜呀嗎(不過食過好野的人內心會笑...[唔係話自已高尚, 高尚的話我唔會住係香港, 只係覺得浪費左大家, 大家D器材都肯定好過我, 有人串我的器材唔係勁, 咁既然勁人雲集, 何必屈就自已?XDDD])

都係果句, 有時講得太直會俾人怒插, 而家某會員都開始攻擊我(真係細路仔XDDD), 所以都唔再回覆, 因為香港人呢3個字太好笑

同埋都覺得學者一個言論又係好過癮

chief424

yukiseto 發表於 2016-7-2 09:07
嗯... 其實樓主的確是有心挑起罵戰的, 一篇文便將成個地區民族既一段文明遺產踩成垃圾, 怎會不引起罵戰? 所 ...

人既眼睛係雪亮的, 咩係歪理、妖孽, 人有腦袋去判別
廣東歌既然咁精彩, 去到文化遺產的地步, 咁900萬香港人包括我, 係唔係應該檢討下點解唔開電視睇勁歌金曲? 唔開收音機去聽最新流行曲, 唔專登穿鞋去商場出席果D本地歌手見面會?
係香港人的錯, 定係香港娛樂圈的錯? 睇晒10page的言論後, 可能係前者掛XDDD

yukiseto

chief424 發表於 2016-7-2 09:23
人既眼睛係雪亮的, 咩係歪理、妖孽, 人有腦袋去判別
廣東歌既然咁精彩, 去到文化遺產的地步, 咁900萬香港 ...

哈哈, 樓主鐘意ACG, 有無睇過超時空要塞呀, "Love Song"係人類既文明遺產呀!

所以有人話樓主理論充滿矛盾, 以前80年代, 一首好歌的確係全香港無人不知, 而且當年最紅既歌星點洗出商場? 年年去紅館唱二三十場都賺到笑啦! 突然想到, 樓主其實係咪好細個, 所以經常用今日既眼光去看當年既一個產業呢?

laiwingnang

其實我都覺得而家香港樂壇好廢, 呢度唔係咁多會員討論新歌, 不過個問題係樓主成
日插香港80/90年代歌手, 然後就用現時樂壇作為理據證明, 根本9唔搭8, OK, 你都
有提起80年代改編歌多呢個唯一既POINT, 其實好多人都知道以前香港太多改編歌,
但用陳慧嫻某碟呢D 極端例子黎證明香港80/90年代冇原創, 根本故弄玄虛,  

樓主話LADY GAGA 實力一般但勝在識得玩形像, 咁樓主眼中既垃圾香港歌手梅艷芳
唔係一早已經玩形像嗎? 日本團體黎香港開幾百人既CONCERT爆滿就勁吹, 黎明/宇
宙GEM開幾十倍人數反而被貶唔夠賣座能力,  問題係樓主過份偏激,不斷用雙重
標準+偷換概念黎證明香港樂壇點樣永遠都係一無是處既垃圾,外國音樂就係高質,
思維就係非黑即白, 極端

POST #92 仲要ATTACH 段評擊中國人既言論, 玩埋種族歧視批評中國人唔講道理 ,
我覺得樓主根本就係借住呢個機會將自己標旗立異, 標榜自己高高在上, 唔知你眼
中好會講道理既外國人包唔包括歐洲經常打交既球迷, 或者班陀槍出街既美國鄉下
佬, 或者試試批評外國紅歌手 TAYLOR SWIFT/BIEBER/ONE DIRECTION, 睇睇佢地外
國FANS會點同你講道理, 我覺得樓主你平時肯定受好大壓力

psb

laiwingnang 發表於 2016-7-2 10:20
其實我都覺得而家香港樂壇好廢, 呢度唔係咁多會員討論新歌, 不過個問題係樓主成
日插香港80/90年代歌手, 然 ...

所以小弟之前講過佢真係要 holistic／critical 啲去分析同做多啲 research ，好多都係 "unsupported" assertions，明眼人一睇就知，覺得觀點文法好個人好 judgmental , 如果佢去寫大學論文，相信最多攞 pass。呢度好多嘅 conflict 意見分岐都係 miscommunication 而起

dennis33kwong

原本覺得這話題一出，必定非常引人注意的，因為這實在是一個極具爭議而又肯定沒有結論的議題，但如果能夠「各抒己見」也是一件好事。但慢慢覺得樓主主要目的可能只是想引起筆戰來提高自己的存在感而已，可惜言之無物，數據及例子完全不具代表性。當初小弟也想學人吹吹水，現在唯有藏拙好了。

最近我也升級了耳機，慣例先聽一遍音樂庫內的所有專輯來比較一下，以下這張CD令我覺得並沒有浪費了器材，借此篇幅，分享給大家。

jaffeinism

chief424 發表於 2016-7-2 09:16
咩係改編, 咩係抄襲, 呢兩個中文字你明唔明白?

改編係向前人致敬, 好似你畫漫畫, 人地畫A, 你畫B, 但有A ...

荷里活都有買人地既片重拍....

甘個監制覺得酒紅色的心原版個曲正, 買左佢版權重新填詞翻唱, 商業策略尼講有咩問題先?

再講你最喜歡既日本文化, 唐代時期米一樣有去中國個度"取經" ....

你自己推KITARO, 話香港有咩勁人, 我回你有顧家輝, 你自己都無回應...



@@@不過睇晒文章之後, 只係覺得, 未食過好野, 向食過好野的人解釋食cheap野有其好處, 其實都係既, 便宜呀嗎(
@@@@你又點知人地吾識食好野?  吾通食左會週圍同人講, 而家咩年代呀? 搵歌聽已經有好多途徑... 吾會下下聽完番尼要同你呢位達人報告吧? 樓主

jaffeinism

laiwingnang 發表於 2016-7-2 10:20
其實我都覺得而家香港樂壇好廢, 呢度唔係咁多會員討論新歌, 不過個問題係樓主成
日插香港80/90年代歌手, 然 ...

POST #92 仲要ATTACH 段評擊中國人既言論, @呢段野係樓主話睇左某篇文章INSPIRE佢潛在既想法....

jaffeinism

正如俾部AK380,K3003你你拿來聽京劇@呢段野睇完又係得啖死, 樓主的想法真係偏激到暈 .... 唱京劇係好多技巧, 一部好既DAP可以挖出多的細節, 甘有咩問題先?