聽歌討論 (應該會引起罵戰...所以報定案先XDDD)

manid903

樓主博出位多過理性討論，沒意思的! 個人認為不同國家制作音樂的方式及制品都會受技術，文化，經營及銷售手法所限制，不能一概而論及混合比較！

countryboyhk

其實外國以前 d band 仔好興係 Garage 錄音, 而家直頭係屋企錄添, 咁係咪代表質素一定係差 !? 之不過外個月亮唔係一定圓, 正如你好少見 hip-hop 會出發燒碟, 你送比我都唔啱聽. 總之個人口味既野, 我從來都唔會去評價.

好耐之前係日本第一次買碟, Superfly, 佢隻通常版實在係非常好聲, 無論人聲密度, 樂器定位都較香港時下流行既CD靚聲好多, 但佢定價係 3千七羊喎 (八算年代)... 香港音樂市場有幾大? 製作資源投放有幾多? 又點可以同日本比 !? 作為消費者, 你買左某張CD, 你可以投訴佢錄音差, 創作不用心, 唱得唔好等等...但請唔好一竹竿打曬一船人, 始終香港好多音樂人, 仲係呢個細少既音樂夾縫市場努力掙扎緊. 有用心創作, 用心唱, 我都會欣賞.  同埋, 我唔覺得聽邊類型既歌會令人高級D, 始於對耳仔係自己, 唔需要同人交待.  

最後, 我介紹你去睇呢本2007年出版, 由黃志淙編寫既<流聲>, 我唸你睇完之後對香港樂壇發展會有更深入了解 !

ernietse

黃秀儀: 夢到沙田

這些八十年代嘅民歌，簡單、直接、清新、抒情! 好落地體貼紀錄咗香港80年代各區嘅美景同特色



睇左咁多回應同意見之後，我的結論和感受:

好歌度度都有, 不論中西日韓意文各自各精彩,

問題你識唔識去搵,

想唔想去嘗試,

識唔識去聽,

有冇勇氣接受新事物,

好過不斷重複去買唔同唔同版本嘅再版碟,

又或者不斷買同一版本嘅重複所謂天碟,

迷你倉大火, 應該都提醒我哋買咁多重複碟嘅話,

有冇命聽先，有冇大把光陰閑情逸致，去攞返出嚟聽 同埋欣賞先???

人生最諷刺係有命有呼吸的一天，都繼續追逐: 名和利 、愛和恨、 頭版再版、嘜春咁多新再版

之後屋企冇位擺，仲要畀錢租個倉來安置啲命根,

又唔捨得掉走，之後又繼續買!

惡性循環、良性循環、於是新命都循環!

留待屋企啲後人執手尾…

小鳳姐都話齋: 何必呢？何必呢！







[youtube]g-UoxttTAtA[/youtube]

jaffeinism

psb 發表於 2016-6-30 22:17
師兄，咪唔記得仲有你我都有入嘅香港100% 創作

AGA 最近出個張新曲精選, 好鬼鍾意首SUPERMAN, 節奏感好強

jaffeinism

@好明顯滿水吾會響, 半杯水最擇洗.... 寫一大堆野, 都係的似是而非既歪論;

SANDY LAM 有幾隻碟我聽得好舒服, 攞到今時今刻, 我都吾會改番, 一隻係"野花", 另一隻係滾石時間既"LOVE, SANDY". 後面個隻係唱國語.... SORRY, 但係堅正; 舒吾舒服係心態問題, 個人燥或偏埋一邊, 聽乜都會雞旦挑骨頭, 盧冠廷寫既"陪著你走", 如果呢隻都話差, 甘我真係無話可說....

耳機吾係死分析力高就為之正, 都要睇下你用途.... 用尼MON梗係正啦 ... ; 如果係聽歌既話, 都要好睇用家取向 ....

HD_2

中文歌有好多回憶
(Post76 Android 手機版送出)

Msuper

雞與雞蛋的問題
到底係新的廣東歌唔得而無乜香港人去買新 CD
定係無乜香港人買 新CD 而導致唱片公司唔投放資源去做新 CD 呢？
聽歌喜好跟你鍾意食什麼國家菜一樣，有些香港人鍾意食西餐～西冷牛扒，有些香港人鍾情自家的廣東菜～菜蕊炒牛肉？口味既野分得到高同低嗎？
八十年代廣東歌我唔認為叫差，當年亦有部份碟是外國錄制，因為香港資源真係唔及外國，禁又如何，聽自己香港人唱地道廣東歌又有另一番更親切及更深層的感覺/感受，當年銷量 20/30/40萬也有，代表一樣有大批擁護者！
聽歌就係一種娛樂，自己聽得開心就夠了，何必要去踩廚師煮菜蕊炒牛肉就係叫差呢！只係呢碟炒牛肉唔岩你口味吧了！
古語簡單就是美，以前興過 unplugged 音樂，得支結他就可以表演，唔通你又彈它太簡單及單調嗎？

ernietse

Msuper 發表於 2016-7-1 17:49
雞與雞蛋的問題
到底係新的廣東歌唔得而無乜香港人去買新 CD
定係無乜香港人買 新CD 而導致唱片公司唔投放 ...

this CD was reissued in 2006, you may try try


龍影霞: 南丫島的故事

呢首歌有少少似: 台灣歌手王海玲唱- 忘了我是誰



[youtube]1P1M4G_uVWM[/youtube]

Norman

咁我要介紹其中一隻本地製作既唱片比樓主聽下先得喇{:9_409:}
聽過Ok我先敢再介紹{:9_434:}

psb

jaffeinism 發表於 2016-7-1 02:39
AGA 最近出個張新曲精選, 好鬼鍾意首SUPERMAN, 節奏感好強

好開心知道你都有聽 AGA，其實佢未出過精選，single 就有，你應該係講緊佢嘅處女大碟 Ginadoll 。香港就係需要呢啲音樂多元化創作歌手，而唔係拎住支 mic 一碌葛企响台上 show off 把聲同淨係識唱慢歌情歌嘅karaoke 典型香港歌手／口水歌發燒歌手。有節奏感係好事，如果首首歌同隻隻碟都係慢歌情歌，死得啦香港樂壇。講開又講 ,  自從四大天王／XX勤,  XX兒年代 ....etc. 開始，真正有料有音樂創作嘅歌手已經開始慢慢消失晒，其實個香港樂壇當時就已經慢慢衰，冇晒新音樂元素 ... 直到而家口水歌／發燒歌手年代, 亦係一個 80 年代罐頭大碟可以買十個唔同版本去聽 "聲"（唔係音樂）嘅年代 。話時話，小弟覺得香港樂壇 80年代彈起都係靠大量翻炒日本，歐美，台灣嘅創作，同加上當時電影業同娛樂圈黃金年代。應該咁話，其實香港係有商業化嘅娛樂圈，唔稱得上有大量創作嘅樂壇。你想唔想買一隻新大碟一半或以上嘅新歌都係翻炒人哋啲歌 ? 如果冇聽歐美，日本同台灣歌手，完全唔知碟內其實係翻炒人哋嘅歌都仲可以。如果有啲師兄話香港細，但又唔見台灣果邊歌手大量翻炒香港嘅 "創作"？香港係有創作人同有心嘅音樂人，但實在太少喇 ...