我都好想整對CM, 但點先可以試真岩唔岩自己呢??

小瑟

t1174 發表於 2017-2-22 19:43
大王知唔知做對 cm 全個過程先， 唔知就可能要寫長文了了。

流量看過一次介紹,但太耐唔記得了。可以拍教一下嗎？

onon4359

小弟對CM完全不懂,咁其實CM係咪:1.唔可以用自己用開既耳機整CM?只有某些牌子某某型號可以?
                                              2.即係要找完牌子型号,試到啱哂先整?
                                              3.在那裏度耳?鋪頭?聽覺醫生之類?
                                              4.度完在那裏訂製?舖頭自己土法泡製?定將你資料寄返該牌子生產?(置頂去日本訂造一站式我就比較明)
thx!

vicentk

小瑟 發表於 2017-2-24 23:49
流量看過一次介紹,但太耐唔記得了。可以拍教一下嗎？

1:選好耳機，比錢，果間舖頭會介紹一間聽力公司，耳印費好多公司都會送比你。

2:打電話去果間聽力公司約時間做耳印，做之前最好自己清一清耳垢，因佢要放一點棉花入到好近耳膜的位置，過了耳道的第二彎位，因為粒棉花會有機會把耳垢推向耳膜，他們怕弄損耳膜，所以太多耳垢的話會做唔到，不過佢都會介紹你去附近的醫務所睇耳科，專科醫生會幫你清耳垢，平均 500 - 1000 ，依條數就要自己比。而果粒棉花是防止耳印膠接觸到耳膜，入好了棉花佢便會用耳所膠幫你印出耳型，做時要唔要開口，就要睇你訂果間廠的要求，待命分鐘左右便會完全成型，聽力醫生會幫你取出耳印，如果醫生覺得沒問題便完成了。



3:做好耳印，聽力公司會直接 call 代理幫你收回耳印並寄去工廠，之後你就沒野做。

4:等等等，平均約二個月

5:收貨

onon4359

vicentk 發表於 2017-2-25 00:26
1:選好耳機，比錢，果間舖頭會介紹一間聽力公司，耳印費好多公司都會送比你。
2:打電話去果間聽力公司約 ...

師兄寄去工廠的意思係原廠嗎?
清耳垢呢下真係頂引!痛唔痛架

vicentk

onon4359 發表於 2017-2-25 00:21
小弟對CM完全不懂,咁其實CM係咪:1.唔可以用自己用開既耳機整CM?只有某些牌子某某型號可以?
                ...

1A.唔可以用自己用開既耳機整CM? 可以，不過每間廠出廠時已經計算好個殻同單元擺位，就咁將所有再放返入去會有所影響，所以的暫時未聽過本土做改模會好過之前。有某公司可以幫你寄去外國改，不過的未聽過有人用過所以唔知手工如何。

1B.只有某些牌子某某型號可以? 係，因為廠方會訂好邊個型號可以做。

2.即係要找完牌子型号,試到啱哂先整? 當然係。

3.在那裏度耳?鋪頭?聽覺醫生之類? 通常去聽力醫生間醫務所做，有一些公司為了方便客人，會請聽力醫生到舖頭幫手做。

4.度完在那裏訂製?舖頭自己土法泡製?定將你資料寄返該牌子生產? 如果你是選咩廠的耳機，他們會把耳模寄去果間廠做，咁如果你選國內耳機廠咁就寄返大國內做。所以你可以上網睇下間廠係邊就知佢寄去邊。

nanaholic

清耳垢搵醫生搞，唔好自己嚟

用綿花棒果d自己搞其實只會將d汚糟嘢推入耳道深處，而且好多時d人唔識控制力度損害咗d皮膚(耳道嘅皮膚比較薄)就唔可以倒模，就算強行倒出嚟嘅効果都唔靚，做出嚟嘅CM就唔fit。

清潔要預早去，因爲清潔完都要比d皮膚休息回復到平常嘅狀態。一般都建議倒模前一個星期前去清。清完果個禮拜如果洗頭等覺得耳道濕咗可以用風筒吹乾，記住唔好用綿花棒或手指等尖硬嘢撩就得。

vicentk

nanaholic 發表於 2017-2-25 00:52
清耳垢搵醫生搞，唔好自己嚟

用綿花棒果d自己搞其實只會將d汚糟嘢推入耳道深處，而且好多時d人唔識控制力 ...

係，萬萬不能用綿花棒

vicentk

onon4359 發表於 2017-2-25 00:32
師兄寄去工廠的意思係原廠嗎?
清耳垢呢下真係頂引!痛唔痛架

師兄寄去工廠的意思係原廠嗎? 係
清耳垢呢下真係頂引!痛唔痛架? 專科醫生唔會用挖，佢會用一個好細的夾，慢慢一粒一粒夾出來，佢會用顯微鏡睇住做，有D醫生會駁埋一電視比你睇埋過程。

onon4359

明白哂!謝謝兩位解答!另外個post,以我理解係咪冇耳膠耳棉既呢?

vicentk

bye2 發表於 2017-2-24 13:11
這個 topic 小弟都有點興趣，可以騎刧一下嘛

之前因為 Layla 送修，有段時間去找代替品。一直以 ...

- 隔音真的很好嗎？係，用一音量比公模會好。而且沒聽診效應。
- 那個 80% 令小弟卻步呢... 如公模音色 80 私模就是 100%，但是小心如果公模的高音已經超過你的接受，私模只會更多。
- 耳機價錢是連耳印嗎？大多舖頭都會送，你可以問清楚。
- 有其他好選擇嘛？真係要睇你聽咩歌，用什麼 DAP 等等。