音響展真係搵笨, 完全冇一隻耳機可以聽得入耳...

chief424

俾80蚊現兜兜, 聽D大耳機, 唔知係咪冇煲過, 冇一隻聽得入耳, 只可以以"乏味"去形容

AT力場展出黎果D耳機更搞笑, 佢話果幾款入耳係新出既, 但係一聽最貴果隻1100, 第二隻聲黎, 好似人地賣紅酒你賣啤酒既感覺, 聽左唔出一分鐘就即刻放番落架

德國佬果隻800, 唔知點講, 只係好少少既80, 唔值6K...(其實只值3-4K), 俾人嚴重誇大化

維也納果隻冇展覽, 只係透過某間retailer的booth先有試聽, 果隻40我聽唔到個賣點(可能太嘈), 但係都係人聲比較後, 冇咩細緻度可言...

南韓仔果隻70同T字頭更搞笑, 原裝係2.5頭黎....係聽得下, 但係都係俾唔到野我...(佢主打係乾淨, 清, 但係換來冇動感同感染力可言, 都唔排除展會播廣東歌的緣故), 都係聽幾聽就擺低

大陸仔果隻7號仔太多人, 冇試到...

結他佬果隻隔音係掂, 但係都係得個嘈字, 冇分析力同細緻度, 咁就輕輕鬆鬆搵你3000蚊...我就唔買了


成個場, 得自已用開果間先可以聽得下, 入到耳, 其他果D...唉...唔知點講

同個肥佬經理傾, 得知個故事, 真係覺得, 得兩個牌子的耳機先可以入到耳, 其他果D, 就番其他市場啦...

Ccs56084342

全場計focal隻旗艦都算幾好，但太貴感覺唔太值。

jaffeinism

AT力場?@日本傢俱廠?

維也納?@ 吾識....

結他佬@舊版HARMONY聽過, 好快放低

南韓仔果隻70?

T字頭?

大陸仔果隻7號?

jaffeinism

Ccs56084342 發表於 2016-8-6 15:50
全場計focal隻旗艦都算幾好，但太貴感覺唔太值。

離地.... 無錢買, 等有錢買再去聽...

Ccs56084342

jaffeinism 發表於 2016-8-6 16:03
離地.... 無錢買, 等有錢買再去聽...

就算有Ｄ筆錢都買喇叭好過。耳機幾好聲都唔夠喇叭砌！

daizyoubu

Ccs56084342 發表於 2016-8-6 16:26
就算有Ｄ筆錢都買喇叭好過。耳機幾好聲都唔夠喇叭砌！

香港地，你買得起個喇叭都買唔起個階磚⋯⋯

Ccs56084342

daizyoubu 發表於 2016-8-6 16:32
香港地，你買得起個喇叭都買唔起個階磚⋯⋯

Ｅ＋喇叭愈黎愈縮水啦。好細件下

jaffeinism

Ccs56084342 發表於 2016-8-6 16:26
就算有Ｄ筆錢都買喇叭好過。耳機幾好聲都唔夠喇叭砌！

我都知ABBADO未死個陣, 好似許生甘飛去維也納聽佢LIVE一定好過癮!

我亦都知亞媽係女人添!

甘放耳機個空間我仲有本事, 喇叭就蒜吧啦!

Ccs56084342

jaffeinism 發表於 2016-8-6 17:09
我都知ABBADO未死個陣, 好似許生甘飛去維也納聽佢LIVE一定好過癮!

我亦都知亞媽係女人添!

Ｅ＋有近場主動喇叭仔，如果動用幾萬黎玩可以好靚聲又唔阻地方，放響張電腦枱就玩到啦！

chief424

jaffeinism 發表於 2016-8-6 16:01
AT力場?@日本傢俱廠?

維也納?@ 吾識....

AT力場?@日本傢俱廠?  <---已出晒腸, AT係簡寫

維也納?@ 吾識.... <---之前出過成萬蚊的拿你命3000...近期出左隻冇咁貴的40仔

結他佬@舊版HARMONY聽過, 好快放低 <---垃圾黎, 都唔知點解D人咁吹捧(係隔音OK, 但係真係好嘈, 係為聽rock而rock, 一點味道都沒有)

南韓仔果隻70? <---個個都鐘意的呢, 新出左隻70, 又係冇咩味道可言

T字頭? <---南韓仔新出自家果隻耳機, 應該OK聽得下, 但可惜佢預設果D垃圾歌又係試唔到layer

大陸仔果隻7號? <---有1號, 5號, 7號, 7號可以插黎插去果隻...我想試但係又冇得試